Бурханы шашин : Дармапада-Хосын цоморлигоос

Дармапада-Хосын цоморлигоос

Занах уурлах чиний хилэн
Замын дайсныг цогцлоож босгоно
Заналгүй уучилж өшилгүй мартвал
Зам цэвэршиж дайсан арилна
Хорслыг хорслоор ялдаггүй ни
Хорвоо ертөнцийн үнэн
Өшийг өршөөлөөр дардаг ни
Өнө мөнхийн зам
1:6
Элээх биеийг олж төрөгсөд
Ээлжээ дуусгаад буцах гийчид
Эргүүлж дуудах үхлээ санагч л Элдэв хэрүүлтэй хөөцөлдөж зовохгүй ээ
1:8
Амидрах биехэн хэврэгийг санаж
Ассан тачаалаа атган татаж
Атгаг хүслээ хазаарлан чангааж
Авралд итгэж, шамдан гэгээрвэл

Хар салхи алгадаад халирах
Хадан уул шигээр буян батжиж
Хатуу, гашуунаар хорлогч шулам
Хаанаас ни ч элтэлж барахгүй болно
1:13
Дээвэр туурга муутай гэрийн
Дээрээс дусаал гоожих мэтээр
Тэвчээр бясалгалын цоожгүй сэтгэлд
Тэчяал, шунал цутгаж нэвчинэ
1:20
Зөв амидарч, Зөв үйлдвэл
Зөрүү буруу шуналаа дарвал
Сурсан, дуулсан багадах ни үгүй
Судалсан, залбирсан дутах ни үгүй

Сэтгэлийн гэмүүдээ шүүрдэн хаяад
Сэнхрүүлэгч гэгээрлээр ариутган сүлэгч
Энэ насандаа гэгээрлээр замнагч
Ирэх төрөлдөө ч ялагдашгүй дээшлэгч
start=-48 , cViewSize=50 , cPageCount=1

2 сэтгэгдэл:

null
наран (зочин)

маш бодууштай сайхан сургаал байна. бодож явья.

Xe Xe (зочин)

Tiimee saikhan surgaal baina.

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)